ABŞ Ədliyyə Nazirliyi HƏMAS-ın İsrailə hücumunda şübhəli bilinən şəxsin saxlanıldığını açıqlayıb

ABŞ Ədliyyə Nazirliyi 2023-cü il oktyabrın 7-də HƏMAS tərəfindən İsrailə edilən hücumlarla əlaqədar Qəzza vətəndaşının həbs edildiyini bildirdi. Həmin şəxs Luiziana ştatında saxlanılıb. Nazirliyin mətbuat xidməti açıqlayıb ki, saxlanılan şəxs hadisə günü silahlı şəkildə İsrail sərhədini keçib.

Nazirliyin yaydığı məlumata görə, bu şəxs HƏMAS-a terror aktını həyata keçirməkdə yardım etmək məqsədilə fələstinli döyüşçüləri toplamağa cəhd göstərib. Onun ABŞ-a gəlişi ilə bağlı da bəzi məqamlar ortaya çıxıb. Şübhəli şəxs 2024-cü ilin sentyabrında ölkəyə daxil olub. Ancaq viza müraciəti zamanı o, vacib bir məlumatı gizlədib. O, özünün “Fələstinin Azadlığı Uğrunda Demokratik Cəbhə”nin hərbi qanadına üzv olduğunu deməyib.

Hazırda həmin şəxsin hərəkətləri ilə bağlı istintaq aparılır. Ona qarşı terrorçuluq fəaliyyəti ittihamları var. Eyni zamanda, o, ABŞ immiqrasiya qanunvericiliyini pozmaqda da ittiham olunur. İstintaq bu şəxsin HƏMAS hücumları ilə birbaşa əlaqəsini tam şəkildə ortaya çıxarmağa çalışır.