ABŞ hərbçiləri Ukrayna ilə bağlı müzakirələr aparmaq üçün Rusiyaya səfər edə bilərlər

ABŞ generallarından ibarət nümayəndə heyəti gələn həftə Moskvaya səfər edə bilərlər. Onlar Rusiya nümayəndələri ilə Vaşinqton tərəfindən hazırlanmış Ukrayna münaqişəsinin həlli planını müzakirə etmək niyyətindədirlər. Bu səfərin məqsədi Rusiyaya sülh planının detallarını təqdim etməkdir.

Bu məlumat "The Guardian" nəşrinin mənbələrə istinadən verdiyi xəbərə əsaslanır. Amerika mənbələri bildirir ki, bir qrup amerikalı general gələn həftənin sonunda Moskvaya uçacaq. Bu qrup Kreml nümayəndələri ilə məhz "sülh planı"nı müzakirə etməyi planlaşdırır.

Münaqişələrin həlli planı artıq Ukrayna tərəfinə təqdim edilib. Noyabrın 20-də ABŞ ordu katibi Den Driskol Kiyevdə Prezident Volodymyr Zelenskiyə münaqişələrin həlli planını təqdim etmişdi.