ABŞ və Ukrayna sülh planı ilə bağlı irəliləyiş əldə diblər - Rubio

ABŞ dövlət katibi Marko Rubio bildirib ki, Amerika və Ukrayna nümayəndə heyətləri Cenevrədə keçirilən danışıqlar zamanı Ukraynadakı münaqişənin həlli planı üzərində mühüm irəliləyiş əldə ediblər.

Rubio jurnalistlərə danışıqların gedişi barədə məlumat verib. Onun sözlərinə görə, heyətlər hazırda sülh planının yenidən baxılması üçün onlara təqdim olunan təklifləri müzakirə edirlər. Bu mərhələdə tərəflər verilən təkliflərlə bağlı iş aparırlar.

O qeyd edib ki, komandalar səmərəli işləyiblər və artıq otaqlarına çəkiliblər. Dövlət katibi vurğulayıb: "Düşünürəm ki, yaxşı irəliləyiş əldə etmişik. Komandalarımız artıq otaqlarına çəkiliblər. Bizə verilən bəzi təkliflər üzərində işləyirik." Bu bəyanat Ukrayna münaqişəsinin siyasi həlli üçün atılan növbəti addımdır.