Aİ Şurası Rusiyadan qaz alışının qadağan edilməsi ilə bağlı təklifi təsdiqləyib

Avropa İttifaqı Şurası (Aİ Şurası) Avropa Komissiyasının hazırladığı, 2028-ci ildən başlayaraq Rusiyadan qaz alışının qadağan edilməsi haqqında təklifi təsdiqləyib. Bu addım Avropanın enerji siyasətində mühüm dəyişiklik deməkdir.

Aİ Şurası Rusiyadan təbii qaz idxalından imtina etmək haqda qətnamə layihəsi ilə bağlı öz mövqeyini təsdiq edib. Bu qətnamə boru kəməri ilə alınan qazla yanaşı, həm də mayeləşdirilmiş təbii qazın (LNG) alınmasının qadağasını əhatə edir. Bəyanatda bildirilir ki, bu qadağa mərhələli şəkildə tətbiq edilməlidir.

Qərarın tam qüvvəyə minmə tarixi dəqiqləşdirilib. Rusiyadan qaz idxalına dair tam qadağa 1 yanvar 2028-ci ildən etibarən qüvvəyə minəcək. Lakin qeyd etmək lazımdır ki, bu qərarın qüvvəyə minməsi üçün həmçinin Avropa Parlamenti tərəfindən təsdiqlənməsi tələb olunur.