Alba karyerasının son oyununa çıxır

"İnter Mayami" klubunun futbolçusu Jordi Alba bu gün peşəkar karyerasının son oyununa çıxacaq. 36 yaşlı müdafiəçi MLS kubokunun finalı ilə vidalaşacağını rəsmən təsdiqləyib.

İspaniyalı futbolçu "Vankover Vaytkaps" ilə keçiriləcək həlledici matçın onun üçün sonuncu olacağını söyləyib. Alba bu anın xüsusi olacağını vurğulayıb və komanda ilə birlikdə qələbə qazanaraq vidalaşmağın ən yaxşı yolu olduğunu bildirib. "Final mənim üçün xüsusi olacaq, çünki bu, mənim son matçımdır. Komanda və azarkeşlərimizlə birlikdə bu anın dadını çıxarmaq istəyirəm. Vidalaşmağın ən yaxşı yolu qələbə qazanmaqdır," deyə müdafiəçi bildirib. Sözügedən MLS kuboku finalı Bakı vaxtı ilə saat 22:30-da başlayacaq.