Alimlər "3I/ATLAS" ulduzlararası obyektinin rəngində dəyişiklik qeydə alıblar

Harvard astrofiziki Avi Lebin mümkün yadplanetli aparatı hesab etdiyi ulduzlararası obyekt "3I/ATLAS" Yerə yaxınlaşarkən qəfil rəngini dəyişib və parıltısını kəskin şəkildə artırıb. Bu dramatik dəyişikliklər cismin təbiəti haqqında yeni suallar doğurur. Yeni bir tədqiqatda qeyd olunur ki, 3I/ATLAS Günəşə doğru irəlilədikcə davranışında bir sıra ciddi anomaliyalar göstərib. Bu faktlar alimlərə bu obyektin süni mənşəli ola biləcəyi barədə fərziyyələr irəli sürməyə imkan verir.

Astronomlar Çiçen Çjan və Karl Bettamsın oktyabrın 28-də apardığı müşahidələrə görə, Günəşə yaxınlaşma zamanı obyekt şüalanmasını spektrin qırmızı hissəsindən mavi hissəyə keçirib. Eyni zamanda onun parlaqlığı bir neçə dəfə yüksəlib. Avi Leb öz məqaləsində bildirib ki, belə bir rəng və intensivlik dəyişikliyini adi kometaların xüsusiyyətləri ilə izah etmək mümkün deyil. Alim qeyd edib ki, obyektin temperaturu hətta Günəşin temperaturunu da üstələyə bilər.

Leb bu qeyri-adi hadisəni mühərrik qurğusunun işə düşməsi ilə əlaqələndirir. Alimin fikrincə, temperaturun qəfil yüksəlməsi buna işarədir və bu, "3I/ATLAS"ı məlum kosmik cisimlər arasında unikal edir. Obyekt qeyri-qravitasiya təcili göstərir və Yupiter, Venera, habelə Marsın yaxınlığından keçərək anomal trayektoriya üzrə hərəkət edir. Lebin fikrincə, bu qeyri-təbii hərəkət və enerji artımı bu cismin süni mənşəli olması ehtimalını gücləndirən əsas amillərdir.