
Allahşükür Paşazadə İslam Aləmi Liqasının Baş katibini Azərbaycana dəvət edib

Qafqaz Müsəlmanları İdarəsinin (QMİ) sədri Şeyxülislam Allahşükür Paşazadə Səudiyyə Ərəbistanına səfəri çərçivəsində İslam Aləmi Liqasının Baş katibi Məhəmməd bin Əbdülkərim Əl-İsa ilə görüşüb. Bu görüş Baş katibin dəvəti ilə Məkkə şəhərində baş tutan Liqanın Elektron Platformasının təqdimatı və müzakirəsi tədbirində iştirak məqsədilə reallaşıb.
Görüş zamanı Paşazadə Azərbaycanın yaxın gələcək üçün planlaşdırdığı mühüm beynəlxalq tədbirlər haqqında məlumat verdi. O, 2026-cı ildə Azərbaycanda bir sıra tədbirlərin, o cümlədən, QMİ və BMT Sivilizasiyalar Alyansının birgə təşkilatçılığı ilə nüfuzlu bir konfransın keçirilməsinin nəzərdə tutulduğunu bildirib. Bu böyük tədbirin əsas mövzuları Multikulturalizm və İslamofobiya olacaq. QMİ sədri bu əhəmiyyətli konfransa İslam Aləmi Liqasının Baş katibini dəvət etdi. Məhəmməd bin Əbdülkərim Əl-İsa dəvətə görə təşəkkürünü çatdırdı və Azərbaycana səfər etməkdən məmnun olacağını xüsusi qeyd etdi.
Şeyxülislam Paşazadə Səudiyyə Ərəbistanının Azərbaycana verdiyi sarsılmaz dəstəyi yüksək qiymətləndirdi. O, Ermənistanın Azərbaycana qarşı təcavüzü dövründə İki Müqəddəs Ocağın Xadimi Kral Salman bin Əbdüləziz başda olmaqla Səudiyyə Ərəbistanı Krallığının və İslam Aləmi Liqasının daim Azərbaycanı birmənalı olaraq dəstəklədiklərini vurğuladı. Paşazadə bu dost və qardaş mövqeyinə görə Səudiyyə tərəfinə minnətdarlığını bildirdi.
Daha sonra Şeyxülislam hazırda işğaldan azad olunmuş ərazilərdə davam edən genişmiqyaslı bərpa və quruculuq işləri barədə Baş katibi məlumatlandırdı. O bildirdi ki, dövlət erməni vandalizminə məruz qalmış mədəni-mənəvi irsin dirçəldilməsi üçün misilsiz yenidənqurma işləri aparır. Paşazadə dağıdılmış məscidlərin yerində yenilərinin inşa edildiyini və artıq həmin torpaqlarda azan səslərinin ucaldığını qeyd edib.
Yerli özünüidarə və regional siyasət haqqında yazıram. Bakıdan kənarda da nələr olduğunu bilmək vacibdir.
Bütün məqalələrə baxınOxşar xəbərlər

Bütün kilsələr Azərbaycanda qardaş kimi yaşayır -...
Azəri Xəbər

Allahşükür Paşazadə Türkiyəyə gedir
Bugun.az

Şeyxülislam Allahşükür Paşazadə BMT Baş katibini A...
Azəri Xəbər

Allahşükür Paşazadə Roma Papası ilə görüşdü
Bugun.az

Allahşükür Paşazadə Roma Papası ilə 8 noyabr Zəfər...
Azəri Xəbər

Allahşükür Paşazadə Vatikanda Roma Papası ilə görü...
Azəri Xəbər



