Azərbaycan Çin şirkəti ilə dənizdə və quruda "yaşıl enerji"nin istehsalı və ixracını müzakirə edib

Azərbaycan Çin şirkəti ilə "yaşıl enerji" sahəsi üzrə əməkdaşlığın mövcud vəziyyətini və növbəti addımları müzakirə edib. Azərbaycanın energetika naziri Pərviz Şahbazovun verdiyi məlumata görə, enerji sahəsində tam strateji tərəfdaşlığın çərçivəsində prioritet layihələrin icrasına dair səmərəli görüş keçirilib.

Bu görüş "China Energy Engineering Corporation Limited” şirkətinin vitse-prezidenti Lu Xu ilə baş tutub. Danışıqların əsas mövzusu dənizdə və quruda külək və günəş enerjisinin istehsalı və ixracı məsələləri idi. Tərəflər həmçinin ötürücü şəbəkələrin inkişafı istiqamətində atılacaq addımları da nəzərdən keçiriblər.

Müzakirə edilən əməkdaşlıq sahələrinə "Yaşıl Enerji|nin İnkişafı üzrə Birgə Tədqiqat Mərkəzi”nin yaradılması da daxil idi. Bundan əlavə, ümumi gücü 760 MVt olan günəş elektrik stansiyalarının avadanlıqlarla təchizatı məsələləri də gündəmdə olub. Görüş zamanı bu layihələrlə bağlı əməkdaşlığın cari vəziyyəti və həyata keçiriləcək növbəti addımlar ətrafında fikir mübadiləsi aparıldı.