Azərbaycanda “Gömrük–biznes” inkişaf modeli yaradılacaq

Azərbaycanda xarici ticarəti sadələşdirmək məqsədilə “Gömrük–biznes” adlı yeni inkişaf modelinin yaradılması planlaşdırılır. Bu təşəbbüs Prezident İlham Əliyevin Sərəncamı ilə təsdiqlənən “Etibarlı Tərəfdaş Konsepsiyası”nda öz əksini tapmışdır. Bu model ölkədə gömrük əməliyyatlarının aparılması qaydasını yenidən formalaşdıracaq, dövlət və özəl sektor arasındakı əlaqələri gücləndirəcək.

Dövlət Gömrük Komitəsi (DGK) bu inkişaf modelinin tətbiqinə cavabdehdir. Komitə 2026-2028-ci illəri əhatə edən dövrdə xarici ticarət iştirakçıları ilə dayanıqlı tərəfdaşlıq mexanizminin formalaşdırılması üçün çalışacaq. "Gömrük–biznes" modelinin yaradılması bu dayanıqlı mexanizmin təməlini qoyur, müəssisələrin və dövlət qurumunun qarşılıqlı fəaliyyətini yaxşılaşdırır.

Modelin həyata keçirilməsi bir neçə əsas fəaliyyəti əhatə edir. Bunlara müntəzəm qaydada məlumat mübadiləsinin aparılması daxildir. Bundan başqa, DGK biznes subyektləri tərəfindən gömrük əməliyyatlarına əlçatanlığının təmin edilməsi məqsədilə “özünet” prinsipinin tətbiq dairəsinin genişləndirilməsini həyata keçirəcək. Bu prinsip gömrük proseslərində avtomatlaşdırmanı və özünəxidməti artıraraq səmərəliliyi yüksəltməyə kömək edəcək.