Bakı–Qazax magistralında ağır yol qəzası: ölən və yaralananlar var

Bakı–Qazax magistralı yolunun Ağdaş rayonu ərazisindən keçən hissəsində ağır yol-nəqliyyat hadisəsi baş verib. İlkin ehtimallara əsasən, bu qəza qoşqulu “KamAZ” markalı yük maşını ilə balıq daşıyan digər yük avtomobilinin toqquşması nəticəsində meydana gəlib. “KamAZ” avtomobili mişar daşıyırdı.

Hadisə Ağdaş və Yevlax rayonlarının inzibati sərhədlərinə yaxın ərazidə qeydə alınıb. Toqquşma çox güclü zərbə ilə nəticələnib. Zərbənin təsirindən maşında olan balıqlar yola və ətraf əraziyə səpələnib. Bu şiddətli qəza nəticəsində ilkin məlumatlara görə, ölən və ağır yaralanan şəxslər var.

Fövqəladə Hallar Nazirliyinin (FHN) xilasedici əməkdaşları dərhal hadisə yerinə cəlb olunublar. FHN maşınlarda sıxılmış vəziyyətdə qalan şəxslərin çıxarılması üçün xilasetmə işləri aparır. Hazırda faktla bağlı araşdırma aparılır, qəzanın dəqiq səbəbləri müəyyənləşdirilir.