Bakıda soyğunçuluq edən şəxsi polis saxlayıb

Paytaxtın Nizami rayonunda ağır soyğunçuluq hadisəsi qeydə alınıb. Hadisə gecə saat 03:00 radələrində baş verib. Naməlum şəxs zərərçəkmiş şəxsə məxsus evin qarşısında fiziki güc göstərərək onun pul vəsaitini ələ keçirib. Zərərçəkmiş vətəndaş baş verən hadisə ilə bağlı dərhal polisə məlumat verib.

Polis əməkdaşları cinayəti törədən şəxsin tapılması üçün təxirəsalınmaz tədbirlərə başladılar. Aparılan əməliyyat tədbirləri nəticəsində qısa müddətdə talama cinayətini törətməkdə şübhəli bilinən 36 yaşlı S. Əliyev müəyyən edilərək saxlanıldı. Bu şəxsin keçmişdə də eyni əməllərə görə dəfələrlə məhkum olunduğu aşkar edilib.

Hazırda bu faktla bağlı əlavə araşdırmalar davam etdirilir. Polis hadisənin bütün detallarını yoxlayır və S.Əliyevin digər cinayətlərdə iştirak edib-etmədiyini müəyyənləşdirməyə çalışır.