Belçika müstəmləkəçiliyi ilə bağlı Mərkəzi Afrika ölkələrində baş vermiş faciələr dünya ictimaiyyətinə məlumdur - Abbas Abbasov

Belçika müstəmləkəçiliyi ilə bağlı Mərkəzi Afrika ölkələrində baş vermiş faciələr, insan hüquqlarının pozulması və bəşəriyyətə qarşı törədilən vəhşiliklər dünya ictimaiyyətinə geniş şəkildə məlumdur. Bunlar hekayə deyil, inkarolunmaz tarixi faktlardır.

Bu fikirləri Bakı Təşəbbüs Qrupunun (BTQ) İcraçı direktoru Abbas Abbasov Qrupun təşkilatçılığı ilə keçirilən beynəlxalq konfransda səsləndirib. Həmin konfrans Belçikanın müstəmləkə keçmişinə və onun hazırkı ağır fəsadlarına həsr olunmuşdu. Tədbir “Belçika Müstəmləkəçiliyi: Tanınma və Məsuliyyət” adlanırdı. A. Abbasov əlavə edib ki, bu reallıqları tarixdən silmək heç kimin əlində deyil.

O, birgə səylər və beynəlxalq ictimaiyyətin dəstəyi ilə kompensasiyalarla bağlı bütün məsələləri həll edə biləcəyinə əmin olduğunu bildirib. Bu həll yolları aidiyyəti beynəlxalq təşkilatların nailiyyətlərinə əsaslanacaq. Abbasov, Belçikanın müstəmləkə keçmişini hələ də müdafiə edən və ya onu tərifləyən şəxslərə irad tutub. O, bu insanları necə adlandıracağını - tərəfdarlar, yoxsa bu qaranlıq irsin pərəstişkarları - bilmədiyini qeyd edib.