Birinci uşaq rəqs festivalı başa çatıb

Birinci uşaq rəqs festivalı uğurla sona çatdı. Tədbirdə qeydiyyatdan keçən 28 komandadan 23-ü aktiv iştirakçı qismində, 5 komanda isə qonaq kimi səhnəyə çıxdı. Gənc iştirakçılar tamaşaçılara milli və müasir rəqslərdən ibarət olan zəngin proqram təqdim etdilər. Festival Azərbaycan İncəsənət Məktəbinin təşəbbüsü ilə təşkil edilmişdi.

Bu mühüm tədbirin keçirilməsi Mədəni və Yaradıcı Sənayelərin İnkişaf Mərkəzinin dəstəyi ilə mümkün oldu. Qeyd edək ki, bu Mərkəz Elm və Təhsil, eləcə də Mədəniyyət nazirliklərinin tabeliyində fəaliyyət göstərir. Təşkilatçıların məqsədi gənc nəsillərin incəsənətə marağını artırmaq və rəqs sahəsindəki istedadlarını üzə çıxarmaq idi.

Festivalın sonunda bütün qaliblərə sertifikatlar, diplomlar, mükafatlar və xüsusi hədiyyələr təqdim edildi. Müsabiqə iki əsas yaş qrupu üzrə qiymətləndirildi.

6-9 yaş qrupu üzrə nəticələr:

• I yer – 3 nömrəli Gənclər Uşaq İnkişaf Mərkəzi,
• II yer – İnci Sənət Akademiyası,
• III yer – İnci Sənət Akademiyası.

10–14 yaş qrupu üzrə nəticələr:

• I yer – 3 nömrəli Gənclər Uşaq İnkişaf Mərkəzi,
• II yer – 4 nömrəli Gənclər Uşaq İnkişaf Mərkəzi,
• III yer – "Nərgiz" rəqs qrupu.