Britaniyalı siyasətçiyə Rusiyadan rüşvət aldığına görə 10 il həbs cəzası verilib

Böyük Britaniyanın İslahatı partiyasının sabiq üzvü Natan Gill Rusiya hökumətindən rüşvət almaqda təqsirli bilindiyi üçün ağır cəza aldı. Siyasətçi 10,5 il həbs cəzasına məhkum edilib. Bu barədə məlumatı "Sky News" yayıb.

Qeyd olunur ki, Natan Gill mediada və Avropa Parlamentində Rusiya yönümlü bəyanatlar verməsinə görə on minlərlə funt-sterlinq dəyərində nağd pul alıb. "Sky News" hakimin sözlərindən sitat gətirərək bildirir: "Natan Gill maliyyə və siyasi mənfəət güdərək etibar və səlahiyyət mövqeyindən sui-istifadə edib".

Kanalın verdiyi məlumata görə, siyasətçi hələ Avropa Parlamentinin üzvü olduğu dövrdə səkkiz rüşvət faktı üzrə təqsirli bilinmişdi. Bu faktlar 2018-ci il dekabrın 6-da və 2019-cu il iyulun 19-da qeydə alınıb. Məhkəmə Gillin vəzifəsindən şəxsi qazanc üçün necə sui-istifadə etdiyini nümayiş etdirdi.