Bu ölkədə nadir avtomobil fantastik qiymətə satılıb

Nadir və eksklüziv avtomobil olan “Ferrari Daytona SP3” İsraildə satılıb. Xarici KİV-lərin yaydığı məlumata görə, bu avtomobil fantastik qiymətə alıcı tapıb. Satış qiyməti 18 milyon şekel təşkil edib. Bu məbləğ təxminən 9 milyon 400 min manat deməkdir. Bu cür yüksək qiymətli əməliyyatlar avtomobil kolleksiyaçılarının bu modelə olan böyük marağını göstərir.

Bu satış əməliyyatı İsraildə avtomobil bazarı tarixində yeni rekordun qeydə alınmasına səbəb oldu. Maşının satış dəyəri ölkə üzrə bütün zamanların ən yüksək göstəricisi hesab olunur. Məlumatda o da bildirilir ki, ödənilən məbləğin təxminən yarısı vergilər şəklində birbaşa dövlət büdcəsinə köçürüləcək. Deməli, avtomobilin dəyəri ilə yanaşı, onun dövlət gəlirlərinə təsirinin miqyası da böyükdür.