Çempionlar Liqasının ikiqat qalibi futbolçu karyerasını başa vurub

UEFA Çempionlar Liqasının ikiqat qalibi və İngiltərə millisinin sabiq qapıçısı Skott Karson peşəkar futbol karyerasına son qoymaq qərarını açıqlayıb. Karson bu barədə "Instagram" səhifəsində yazıb. Qapıçı uzun illər davam edən karyerasının başa çatdığını bildirərək, bu səyahətin inanılmaz olduğunu vurğulayıb.

Karson öz paylaşımında, "İnanılmaz səyahətdən sonra əlcəkləri asmaq vaxtı çatıb," deyib. O, futbolun ona hər şeyi- xatirələr, dostluqlar və heç vaxt unuda bilməyəcəyi anlar verdiyini qeyd edib. Sabiq qapıçı bütün komanda yoldaşlarına, məşqçilərinə, azarkeşlərinə və karyerası boyu bir hissəsi olduğu klublara minnətdarlığını bildirib. O, bu yolu onlarla bölüşməyin böyük şərəf olduğunu deyib.

Karsonun karyerası ərzində qazandığı uğurlar arasında iki dəfə Çempionlar Liqası kuboku var. O, ilk dəfə 2004/05 mövsümündə "Liverpul"la turnirin qalibi olub. Qeyd edək ki, qapıçı həmin mövsümdə komandanın heyətində cəmi bir oyun keçirmişdi. İkinci dəfə isə 2022/23 mövsümündə "Mançester Siti" ilə eyni nailiyyəti əldə edib. Lakin ikinci çempionluq mövsümündə o, heç bir yarışda komandanın heyətində yer almayıb. Karson 2025-ci ilin yayından etibarən azad agent statusunda olmalı idi.