Çin ABŞ-yə strateji materialların ixracına qoyduğu qadağanı dayandırıb

Çin ABŞ-yə qarşı tətbiq etdiyi bəzi strateji materialların ixrac məhdudiyyətlərini dayandırıb. Bu qərar iki ölkə arasındakı ticarət münasibətlərində gərginliyin azaldılmasından xəbər verir.

Qadağanın ləğv edildiyi materiallara qallium, germanium, stibium və super sərt materiallar da daxildir. Bütün bu maddələr ikili təyinatlı mallar hesab edilir. Bu barədə məlumatı Çin Xalq Respublikasının Ticarət Nazirliyi rəsmi şəkildə yayıb.

Nazirliyin verdiyi açıqlamaya görə, 2024-cü il tarixli 46 nömrəli əmrin qüvvəsi dərhal qüvvəyə minməklə 27 noyabr 2026-cı il tarixinə qədər dayandırılır. Pekin bu mühüm qərarı Kuala Lumpurda keçirilən Çin-ABŞ ticarət danışıqları zamanı əldə olunan razılaşma çərçivəsində qəbul edib.

Həmin razılaşma təkcə ixrac məhdudiyyətlərini əhatə etməyib. Çin bu razılığa əsasən, eyni zamanda 31 ABŞ şirkəti üzərindəki nəzarət tədbirlərini də yumşaltmağa razılaşıb.