Çin raketi orbitə eksperimental rabitə peykini buraxıb

Çin kosmik proqramında əhəmiyyətli bir hadisə gerçəkləşdi. Ölkənin "Çançjen-3B" daşıyıcı raketi növbəti eksperimental rabitə peyki olan "Şiyan-21"i orbitə müvəffəqiyyətlə çıxardı. Bu buraxılış Çin tərəfindən müxtəlif rabitə sahələrində texniki imkanların yoxlanılması məqsədi daşıyır. Məlumatı Çinin dövlət mediası, "CGTN" teliviziya kanalı yayıb.

Orbitə buraxılış əməliyyatı Çinin cənub-qərbindəki Siçuan vilayətində yerləşən Siçan Peyk Buraxılış Mərkəzindən həyata keçirildi. Bu mərkəz Çinin əsas kosmik obyektlərindən biri sayılır. Raketin uçuşu uğurla tamamlandıqdan sonra, "Şiyan-21" peyki təyin olunmuş orbitə problemsiz daxil oldu. Bu cür sınaqlar ölkənin gələcək kosmik infrastrukturu və rabitə şəbəkələrinin hazırlanmasında böyük rol oynayır.

"Şiyan-21" cihazının əsas missiyası bir neçə fərqli sahədə xidmətlər göstərməkdir. Bu peyk xüsusilə peyk rabitəsi, radio, televiziya yayımı və məlumat ötürülməsi kimi sahələri dəstəkləyəcək. Bundan başqa, cihaz kosmos şəraitində texniki sınaqlar həyata keçirmək üçün istifadə olunacaq. Bu sınaqlar, Çin rabitə texnologiyalarının effektivliyini və davamlılığını sınaqdan keçirmək üçün lazımlı məlumatları toplamağa imkan verir.