Dağıntılar, mülki insanların ölümü – Kiyevdə vurulan binanın görüntüləri - REPORTAJ

Oktyabrın 26-da Rusiya ordusu Ukraynanın bir sıra şəhərlərinə, o cümlədən paytaxt Kiyevə hava zərbələrini davam etdirdi. Kiyev hərbi administrasiyası bu hücumlar barədə məlumat yaydı. Bildirildi ki, bu dəfə paytaxtın əsasən Dnepr çayının sol sahilində yerləşən rayonları hədəf seçilmişdi. Hücum nəticəsində 4 nəfər həlak oldu, ümumilikdə 28 nəfər yaralandı. Təəssüflə qeyd edilir ki, yaralananların ikisi uşaq idi.

Aviazərbələr Desnyanskiy, Darnitskiy və Poznyaki rayonlarına ardıcıl şəkildə yönəldilib. Əraziyə atılan dronlar havada vurulsa da, onların qalıqları yaşayış evlərinə çırpılıb. Nəticədə ərazilərdə dağıntıların miqyası böyükdür. Xüsusilə Desnyanskiy rayonunda faciə yaşandı. Bu rayonda 3 nəfərdən ibarət bir ailənin bütün üzvləri həlak oldu. Baş verənlər Kiyevdə mülki əhali arasında itkilərin artdığını göstərir.