DİN kiberdələduzluqla bağlı xəbərdarlıq edib - VİDEO

Polis idarəsi vətəndaşlara kiberdələduzluq halları və şübhəli zənglərlə bağlı ciddi xəbərdarlıq edib. Kiberdələduzlar öz cinayətkar niyyətlərini həyata keçirmək üçün daim fərqli ssenarilər qurur, həmçinin istifadə etdikləri üsul və vasitələri dəyişirlər. Bununla belə, onların əsas məqsədi heç vaxt dəyişmir: insanların pullarını talamaq. Vətəndaşlar bu təhlükəyə qarşı çox diqqətli olmalıdırlar.

Unutmayın ki, kartınıza kənar müdaxilənin yeganə yolu var. Bu, cinayətkarların sizin kart məlumatlarınızı, CVV kodlarınızı, 3D təhlükəsizlik şifrələrini, SMS vasitəsilə göndərilən təsdiq kodlarını və kartınızın məxfi şifrələrini ələ keçirməsidir. Onlar bu məlumatları əldə etdikdən sonra pullarınızı asanlıqla oğurlaya bilərlər. Buna görə də, bu cür informasiyanın sirr olaraq qalması çox vacibdir.

Əziz vətəndaşlar, kimin, hansı məqsədlə zəng etməsindən asılı olmayaraq, sosial şəbəkələr və ya digər internet resurslarından gələn təklifləri dəqiqləşdirmədən şəxsi və bank kartı məlumatlarınızı heç kimlə bölüşməyin. Bu təhlükənin qarşısını ilk növbədə siz özünüz ala bilərsiniz. Sizə şübhəli gələn hallara reaksiya verməyə tələsməyin. Əksinə, belə hallarla qarşılaşdıqda dərhal polisə müraciət edin.

Biz kibermaarifləndirmə sahəsində səylərimizi birlikdə artırmalıyıq. Yaxın çevrəmizdə olan insanları da bu təhdidlər barədə məlumatlandırmaq lazımdır. Bu yolla, biz kiberdələduzların cinayətkar niyyətlərinin qarşısını alırıq və hamımızın bank kartlarımızın təhlükəsizliyini qoruyaq.