DTX tərəfindən həbs edilmiş, terroru maliyyələşdirmədə təqsirləndirilən şəxsin məhkəməsi başlayıb

Terroru maliyyələşdirməkdə təqsirləndirilən **Namiq Nəbiyev** barəsində cinayət işi üzrə məhkəmə prosesinin hazırlıq iclası keçirilib. Dövlət Təhlükəsizliyi Xidmətində (**DTX**) başlanmış bu iş Bakı Ağır Cinayətlər Məhkəməsində hakim Nigar İmanovanın sədrliyi ilə dinlənilib. Proses zamanı təqsirləndirilən şəxsin anket məlumatları dəqiqləşdirildi.

Məhkəmənin qərarı ilə cinayət işi baxış mərhələsinə keçirildi. Baxış iclası noyabrın 18-nə təyin edilib. DTX tərəfindən saxlanılan Namiq Nəbiyevə qarşı irəli sürülən ittihamlar olduqca ağırdır. O, Azərbaycan Respublikası Cinayət Məcəlləsinin 167-3.1-ci (dini ekstremist materialları saxlama) və 214-1-ci maddələri (**terrorçuluğu maliyyələşdirmə**) ilə təqsirləndirilir.

Nəbiyevi gözləyən cəza həddi qismən toplanılan cəzalar əsasında müəyyən ediləcək. Bu ittihamlara görə, o, **10 ildən 14 ilədək** müddətə azadlıqdan məhrum edilə bilər. Məhkəmə işi materialların saxlanması və terror fəaliyyətinə dəstək göstərilməsi iddialarını araşdırır.