Emre Belözoğlu yenidən Superliqaya qayıdıb

"Başakşehir" və "Fənərbaxça"nın sabiq baş məşqçisi Emre Belözoğlunun yeni iş yeri bəlli olub. 45 yaşlı mütəxəssis Türkiyə Superliqasına qayıdır.

Belözoğlu bundan sonra "Kasımpaşa" futbol klubunu çalışdıracaq. Bu təyinat barədə Superliqa təmsilçisinin mətbuat xidməti rəsmi məlumat yayıb. Emre Belözoğlu "Kasımpaşa"da bu vəzifədə Şota Arveladzeni əvəzləyib. Mütəxəssisin son klubu isə "Antalyaspor" olub. O, oktyabrın 7-də "Antalyaspor"dan istefa vermişdi.

Yeni baş məşqçi ilə imzalanan müqavilənin detalları hələlik ictimaiyyətə açıqlanmayıb. Onun gəlişi klubun mövsümdəki vəziyyəti ilə əlaqədar böyük əhəmiyyət daşıyır.

Hazırda "Kasımpaşa" Superliqanın turnir cədvəlində 13 xalla 14-cü sırada yerləşir. Bu təyinat komandanın cədvəlin alt sıralarından qalxması üçün atılan addım kimi qiymətləndirilir.