Ermənistanda ombudsmana qarşı araşdırmalara başlanılıb

Ermənistanda Korrupsiyanın Qarşısının Alınması Komitəsi ombudsman Anahit Manasyana qarşı araşdırmaya başlayıb. Bu barədə məlumatı ölkənin kütləvi informasiya vasitələri yayıb.

Qurumdan verilən məlumata görə, araşdırma prosesi sentyabrın 30-da start götürüb və hazırda baxılma mərhələsindədir. Komitə istintaqın təfərrüatlarını və ərizəçinin məlumatlarını açıqlamır. Buna əsas səbəb araşdırma zamanı məxfi məlumatlara baxılmasıdır. Qurum, insanın şəxsi və ailə həyatının qorunması zərurətindən irəli gələrək, istintaqla bağlı əlavə məlumat verməkdən çəkinir. Belə bir araşdırmanın məxfi şəkildə aparılması şəxsi məlumatların qorunması prinsiplərindən irəli gəlir.

Bildirilir ki, ombudsmana qarşı açılan bu işin baxılma prosesi ilin sonunadək başa çata bilər. Hazırda Anahit Manasyana qarşı irəli sürülən iddialar ictimai maraq doğurur. Komitənin yekun qərarı bu araşdırmanın gedişatına aydınlıq gətirəcək.