Estoniyalı nazir: Azərbaycan regionda nəqliyyat baxımından mühüm rol oynayır

Estoniyanın xarici işlər naziri Marqus Tsaxna, Azərbaycanın regionun nəqliyyat sistemində əhəmiyyətli yer tutduğunu bildirib.

O, bu fikri azərbaycanlı həmkarı Ceyhun Bayramovla birgə keçirilən mətbuat konfransında səsləndirib. Nazir, Azərbaycanla nəqliyyat əlaqələrinin genişləndirilməsi məsələsində Avropa İttifaqının böyük rol oynayacağını da qeyd edib. Tsaxnanın sözlərinə görə, bu əlaqələrin inkişafı regional əhəmiyyət daşıyır.

Çıxışının davamında Estoniya XİN rəhbəri Rusiya-Ukrayna müharibəsi mövzusuna toxunub. O, Ukraynaya göstərilən humanitar yardıma görə Azərbaycana təşəkkür edib. Tsaxna vurğulayıb ki, Azərbaycan bu istiqamətdə qətiyyətli mövqe nümayiş etdirir. O əlavə edib ki, biz hamımız azadlığımızı və suverenliyimizi müdafiə etməyə hazır olmalıyıq.