Fərid Əhmədov Bərdədə vətəndaşları qəbul edib

Ədliyyə naziri Fərid Əhmədov mərkəzi icra hakimiyyəti orqanlarının rəhbərlərinin qəbul cədvəlinə uyğun olaraq Bərdə şəhərində vətəndaşlarla görüş keçirib. Bu qəbul mərkəzi icra hakimiyyəti orqanlarının və digər idarəetmə qurumlarının rəhbərləri tərəfindən şəhər və rayonlarda vətəndaşların qəbulu cədvəlinə əsasən həyata keçirilir.

Qəbuldan əvvəl nazir Ümummilli Lider Heydər Əliyevin abidəsini ziyarət etdi. Daha sonra keçirilən görüşdə Bərdə ilə yanaşı, Mingəçevir, Yevlax, Ağcabədi, Ağdam və Tərtər rayonlarından gələn vətəndaşlar iştirak edib. Ümumilikdə 61 vətəndaşın müraciətinə baxıldı. Onların müraciətləri ədliyyə fəaliyyəti, eləcə də ədliyyə orqanlarında işə qəbul məsələləri ilə bağlı idi.

Nazirliyin rəhbərliyi vətəndaş müraciətlərini dinlədi. Müraciətlərdə qaldırılan məsələlərin bir qismi yerində müsbət həllini tapdı. Əlavə araşdırma tələb edən digər müraciətlərin həlli üçün də zəruri addımlar atıldı. Mövcud qanunvericiliyin tələblərinə uyğun şəkildə baxılması məqsədilə Nazirliyin aidiyyəti struktur bölmələrinin rəhbər şəxslərinə müvafiq tapşırıqlar verildi. Bu görüşlər hökumət və vətəndaşlar arasında əlaqələrin saxlanılması baxımından mühüm əhəmiyyət daşıyır.