Finlandiya müdafiə üçün Aİ-dən 1 milyard avroluq krediti götürməyi planlaşdırır

Finlandiya hökumətinin İqtisadi Siyasət üzrə Nazirlər Komitəsi müdafiə xərcləri üçün Avropa İttifaqından (Aİ) kredit götürmək barədə qərar qəbul edib. Bu addım ölkənin hərbi imkanlarını gücləndirmək məqsədi daşıyır.

Finlandiyanın Baş naziri Petteri Orpo verilən qərar haqqında məlumat verib. O bildirib ki, Finlandiya Aİ-nin ümumi 150 milyard avroluq kredit paketindən ona ayrılmış maksimum 1 milyard avronu götürməyi planlaşdırır. Vəsaitlər Ukrayna ilə əməkdaşlıq çərçivəsində istifadə ediləcək.

Baş nazir qeyd edib ki, bu vəsaitlər yerüstü döyüş imkanlarının gücləndirilməsi və dronların alınması üçün sərf olunacaq. Ölkə zirehli texnika istehsalında artıq tərəfdaşlara malikdir. Orponun sözlərinə görə, “Patria” və “Sisu” kimi Finlandiya şirkətləri bu məqsədə uyğun istehsal müəssisələrinə sahibdirlər. Bu yerli müəssisələr ölkənin müdafiə potensialını artırmağa kömək edəcək.