Fransa millisinin futbolçusu: "Məqsədimiz qələbə qazanmaq və statistikanı genişləndirməkdir"

DÇ-2026-nın seçmə mərhələsində Azərbaycanla qarşılaşacaq Fransa millisinin əsas məqsədi qələbə qazanmaqdır. Komandanın futbolçusu İbrahim Konate matç öncəsi keçirdiyi mətbuat konfransında bu barədə danışıb. Konate bildirib ki, onlar oyundan zövq almağa çalışacaqlar, lakin hədəf həm də mövcud statistikanı genişləndirməkdir. O, oyunun çətin keçə biləcəyini də qeyd edib. "Kapitan olub-olmayacağımı bilmirəm," Konate deyib. "Çalışırıq zövq alaq. Məqsədimiz qələbə qazanmaq və statistikanı genişləndirməkdir."

İbrahim Konate ilk oyunda Azərbaycan yığmasının göstərdiyi performansdan təəccübləndiyini etiraf edib. Futbolçu fikirlərinin tənqid olunacağından çəkinmədiyini vurğulayıb. Konate xatırladıb ki, sabahkı nəticə asılı olmayaraq, Fransa artıq DÇ-2026-nın final mərhələsinə vəsiqəni təmin edib. Onlar hər bir oyuna professional yanaşırlar. Bu, sadəcə qrup mərhələsinin növbəti bir sınağıdır, amma komanda maksimum nəticə göstərməyə çalışır.

Qeyd edək ki, Azərbaycan və Fransa yığmaları arasındakı seçmə mərhələ oyunu noyabrın 16-da Bakıda baş tutacaq. Qarşılaşma Tofiq Bəhrəmov adına Respublika stadionunda keçiriləcək. Matç Bakı vaxtı ilə saat 21:00-da start götürəcək.