İlon Mask tarixin ən varlı adamı oldu - Rekord

Amerikalı milyarder İlon Mask tarixi rekorda imza atdı. O, sərvəti 800 milyard dollar həddini keçən ilk şəxs olaraq tarixə düşdü. İlon Mask artıq dünyanın ən zəngin adamıdır.

Forbes jurnalının yaydığı məlumata görə, sahibkarın sərvəti son qiymətləndirmələrə görə 852 milyard dollara çatıb. Bu, onun sərvətinin bir anda 84 milyard dollar artması deməkdir. Maskın sərvətinin bu qədər yüksəlməsi onun əsas texnologiya şirkətləri olan “SpaceX” və “xAI”ın birləşməsi ilə əlaqədardır.

Bu birləşmə nəticəsində biznesin ümumi dəyəri 1,25 trilyon dollar olaraq qiymətləndirildi. Birləşmədən əvvəl Mask “SpaceX”də təxminən 42% paya sahib idi. Birləşmədən sonra isə o, yeni şirkətin aktivlərinin təxminən 43%-inə nəzarət edir. Hazırda bu yeni şirkətin dəyəri 542 milyard dollar səviyyəsində qiymətləndirilir.

Sahibkarın ümumi kapitalına digər əsas aktivləri də daxildir. Mask həmçinin elektrik avtomobilləri istehsalçısı "Tesla"nın böyük bir səhm paketinə malikdir. Onun "Tesla"da təxminən 12%-lik səhm paketi var. Bu payın dəyəri 178 milyard dollar olaraq hesablanır və Maskın 800 milyard dollar səviyyəsini aşan sərvətinin əhəmiyyətli bir hissəsini təşkil edir.