İngiltərədə qatarda bıçaqlı hücum nəticəsində xəsarət alanların sayı 11-ə çatıb

İngiltərədə qatarda baş vermiş bıçaqlı hücum nəticəsində xəsarət alan şəxslərin sayı 11-ə yüksəlib. Yerli polis bu hadisə ilə bağlı məlumat yayıb.

Qeyd edək ki, hadisədən dərhal sonra iki şübhəli saxlanılıb. Hücumun terror aktı olması şübhələri təsdiqlənməyib. Cinayətdə iştirak etməkdə şübhəli bilinən və polis tərəfindən araşdırılan hər iki şəxs Böyük Britaniya vətəndaşıdır. Onlar hücumdan bir qədər sonra həbs olunublar.

Polis məlumatına görə, şübhəlilərdən birinin 32, digərinin isə 35 yaşı var. Lakin onların adları hələ ki ictimaiyyətə açıqlanmır.

Əvvəlki məlumatlarda bıçaqlı hücum zamanı yaralananların sayının 9 olduğu deyilirdi, lakin bu rəqəm hazırda 11-ə qalxıb. Yaralılardan dörd nəfər artıq xəstəxanadan evə buraxılıb. Təəssüf ki, iki nəfərin vəziyyəti ağır olaraq qalır. Polis hadisə ilə bağlı araşdırmaları davam etdirir.