İran Dünya Çempionatının püşkatma mərasimini boykot edib

İran 2026-cı il futbol üzrə Dünya Çempionatının final mərhələsinin püşkatma mərasimini boykot etdiyini rəsmən elan edib. Bu qərar siyasi gərginlik fonunda qəbul edilib. Tehran bu addımı ABŞ hökumətinin rəsmi nümayəndə heyətinin bir neçə üzvünə, o cümlədən İran Futbol Federasiyasının rəhbəri Mehdi Taca viza verməməsi səbəbiylə atıb. Bu hadisə idman tədbirləri ilə bağlı beynəlxalq münasibətlərdə yaranan problemləri bir daha ortaya qoyur.

İranın futbol assosiasiyasının nümayəndəsi vəziyyətlə bağlı açıqlama verərək qəbul edilən qərarın idman kontekstinə aid olmadığını vurğulayıb. Rəsmi şəxslər FİFA-nı vəziyyətlə əlaqədar dərhal məlumatlandırıblar. Nümayəndə bildirib ki, viza verilməməsi səbəbindən İran nümayəndə heyətinin üzvləri püşkatmada iştirak etməyəcəklər. Ölkə rəsmiləri hesab edirlər ki, ABŞ-ın viza siyasəti belə beynəlxalq idman tədbirlərinə yersiz müdaxilə deməkdir.

Qeyd edək ki, Dünya Çempionatının püşkatma mərasimi dekabrın 5-də ABŞ-ın paytaxtı Vaşinqtonda keçiriləcək. Püşkatma mərasimini boykot etməsinə baxmayaraq, İran yığması 2026-cı il Dünya Çempionatında iştirak edəcək. Dünyanın bu ən böyük idman turniri 11 iyundan 19 iyula qədər ABŞ, Kanada və Meksikanın ev sahibliyində baş tutacaq.