İran XİN rəhbəri nüvə proqramı ilə bağlı ABŞ ilə danışıqlar üçün şərtləri açıqlayıb

İran nüvə proqramı ilə bağlı məsələləri Amerika Birləşmiş Ştatları (ABŞ) ilə müzakirə etməyə hazırdır. Lakin bu hazırlığın çox ciddi bir şərti var: danışıqlar mütləq qarşılıqlı faydalı olmalıdır. İranın xarici işlər naziri Abbas Araqçi bu barədə açıqlama verib.

Nazir Araqçi bildirdi ki, danışıqlar masası diktə yeri deyil. O vurğuladı ki, əgər ABŞ öz yanaşmasını dəyişsə və ədalətli, eyni zamanda qarşılıqlı faydalı danışıqlara hazır olsa, Tehran da buna hazırdır. Araqçi qeyd edib ki, o vaxta qədər onların real, ciddi danışıqlara hazır olub-olmadığından əmin deyillər.

İran diplomatiyaya açıq qalsa da, yalnız "ədalətli və balanslı" nəticəni təmin edən şərtlərlə hərəkət edəcək. A. Araqçi sonda bu məsələnin ABŞ-dən asılı olduğunu ifadə edib.