İsrail Qəzzada daha bir NBM-in fəaliyyətini bərpa edib

İsrail Müdafiə Qüvvələri (IDF) Qəzza zolağının şimal hissəsində yerləşən “Zikim” nəzarət-buraxılış məntəqəsini yenidən fəaliyyətə başladığını elan edib. Bu addım bölgəyə humanitar yardımın maneəsiz daxil olmasını təmin etmək məqsədi daşıyır.

“Zikim” NBM-in fəaliyyətinin bərpası ilə Qəzza zolağında aktiv vəziyyətdə olan nəzarət-buraxılış məntəqələrinin sayı üçə çatıb. Ərazilərdə Hökumət Fəaliyyətlərinin Əlaqələndirilməsi üzrə Əlaqələndiricinin (COGAT) bəyanatında qeyd olunur ki, keçid siyasi rəhbərliyin təsdiqi ilə açılıb.

Yardımlar xüsusi prosedurlarla çatdırılacaq. Təhlükəsizlik Nəzarət İdarəsi bütün yardımları yoxladıqdan sonra, onlar BMT və digər beynəlxalq təşkilatlar tərəfindən Qəzza bölgəsinə paylanılacaq. “Zikim” NBM-in yenidən istifadəyə verilməsi yardımların çatdırılma prosesini dəstəkləyir.