İtaliyada zəlzələ baş verib

İtaliyanın cənubunda yerləşən İrpiniya bölgəsində 4 bal gücündə zəlzələ baş verib. Yeraltı təkan əhali arasında böyük qorxuya səbəb olsa da, ilkin araşdırmalar nəticəsində heç bir dağıntı və ya tələfat qeydə alınmayıb. Təhlükəsizlik məqsədilə bölgədə bəzi qabaqlayıcı addımlar atılıb.

Zəlzələnin episentri Montefredan şəhərindən cəmi bir kilometr aralıda qeydə alınıb. Təkanın dərinliyi 14 kilometr idi. Bu hadisə təkcə İrpiniyada deyil, həm də Kampaniya regionunda, o cümlədən Neapol, Salerno və Benevento kimi şəhərlərdə aydın hiss olunub. Yeraltı hərəkətlərin güclü olması səbəbindən sakinlər qorxu və təşvişlə küçələrə axışıblar.

Zəlzələdən dərhal sonra Montefredan şəhərinin meri rəsmi açıqlama yayıb. Ehtiyat tədbiri olaraq, bazar ertəsi günü məktəblərin tətil edildiyi bildirildi. İtaliyanın Geofizika və Vulkanologiya İnstitutunun (INGV) məlumatına görə, bu son hadisə deyil; son iki gündə bölgədə artıq 3,4-3,9 bal arasında üç zəlzələ daha qeydə alınmışdı.