KİV: Kanadanın Baş naziri Donald Trampdan üzr istəyib

Kanadanın Baş naziri Mark Karni ABŞ Prezidenti Donald Tramp qarşısında üzr istədiyini açıqlayıb. Bu üzr amerikalılara yönəlmiş və ABŞ liderinin kəskin qəzəbinə səbəb olmuş siyasi reklama görədir. "Reuters" agentliyinin məlumatına görə, bu hadisə Vaşinqton və Ottava arasındakı ticarət gərginliyini daha da artırıb.

Həmin reklam Kanadanın Ontario əyalətinin Baş naziri Daq Fordun sifarişi ilə hazırlanmışdı. Reklam materialında ABŞ-nin sabiq prezidenti Ronald Reyqanın çıxışından bir hissə istifadə edilmişdi. Reyqan çıxışında tariflərin ticarət müharibələrinə və ciddi iqtisadi fəlakətlərə gətirib çıxardığını vurğulayırdı. Bu mesaj Donald Trampın proteksionist ticarət siyasətinə qarşı yönəlmişdi.

D. Tramp reklama dərhal və sərt reaksiya verib. O, Kanadadan gələn mallara tətbiq edilən rüsumların artırılacağını elan etdi. Tramp hökuməti bu hadisədən sonra Kanada ilə ticarət danışıqlarını dayandırdı. Baş nazir Mark Karninin üzr istəməsi bu diplomatik gərginliyi azaltmağa və münasibətləri normallaşdırmağa yönəlmiş siyasi addım sayılır.