KİV: Rusiyada raket bazasında partlayış baş verib

Rusiyanın Orenburq vilayətinin Yasnı şəhərində, Strateji Raket Qoşunlarının bazası yaxınlığında güclü partlayış hadisəsi qeydə alınıb. İxtisaslaşmış mənbələrin verdiyi məlumata görə, bu hadisə bir neçə saat əvvəl həmin Qoşunların poliqonundan həyata keçirilən raket buraxılışının uğursuz olması ilə bağlıdır.

KİV-lər yazır ki, hadisənin səbəbi raketin buraxılışı zamanı baş verən qəza olub. Məlumata görə, raket havada dağılıb. Regional "Ural56" nəşri yerli sakinlərə istinadən bildirir ki, partlayışdan sonra göy üzünə bənövşəyi tüstü qalxıb. Hadisə ilə bağlı rəsmi qurumlar hələ ki şərh verməyib, lakin region hökuməti vəziyyətə aydınlıq gətirib. Hökumət əhaliyə heç bir təhlükə olmadığını və ərazidə evakuasiyanın planlaşdırılmadığını açıqlayıb.