Lökbatanda güclü yanğın olub, 2-si uşaq olmaqla 5 nəfər ölüb - FOTO - YENİLƏNİB

Bakının Qaradağ rayonu, Lökbatan qəsəbəsində yerləşən çoxmərtəbəli yaşayış binasında baş verən güclü yanğın faciə ilə nəticələnib. Hadisə şahidlərinin verdiyi məlumatlara görə, ümumilikdə 5 nəfər dünyasını dəyişib. Təəssüf ki, ölənlər arasında iki uşaq var.

Yanğın "Qobu Park-1" yaşayış massivində qeydə alınıb. İlkin məlumatlara görə, hadisə nəticəsində yaralananların olduğu bildirilirdi. Xəsarət alan şəxslərlə bağlı hələlik dəqiq rəsmi məlumat yayılmayıb.

Yanğın başlayandan dərhal sonra əraziyə Fövqəladə Hallar Nazirliyinin yanğınsöndürən qüvvələri cəlb olundu. Həmçinin təcili tibbi yardım briqadaları və polis əməkdaşları da hadisə yerinə gəlib. Əməliyyat tədbirləri nəticəsində yanğın söndürülmüşdür.

Faciəyə səbəb olan amillərlə bağlı hələlik heç bir dəqiq məlumat yoxdur. Faktla bağlı araşdırma aparılır. Hadisənin bütün detalları araşdırmanın nəticələrinə əsasən ictimaiyyətə açıqlanacaq.