Mbappe məhkəmədə PSJ-dən 240 milyon avro kompensasiya tələb edir

Kilian Mbappenin PSJ ilə bağlı maliyyə mübahisəsi hələ də davam edir. Forvard 2024-cü ildə Paris klubunu sərbəst agent kimi tərk edərək "Real"a keçdi. Bu gün keçirilən məhkəmə iclasında məlum olub ki, futbolçu keçmiş klubundan böyük bir məbləğ – 240 milyon avro tələb edir. Maliyyə tələblərindən əlavə, Mbappe kluba qarşı psixoloji təzyiq göstərilməsi ilə bağlı da şikayət edib.

O, PSJ-ni 2023-cü ildə onu yeni müqavilə imzalamağa məcbur etməkdə ittiham edir. Bu maliyyə və hüquqi mübarizə Mbappenin PSJ-dən ayrılmasının sadə bir transfer olmadığını göstərir. Məhkəmədə oyunçunun vəkili bu məbləğin necə hesablanacağını izah edib. Vəkil məhkəmədən Mbappenin təxmini aylıq maaşı olan 14,8 milyon avro məbləğinin əsas götürülməsini xahiş etdi.

Bu rəqəm tələb olunan 240 milyon avro kompensasiyanın hesablanmasında istifadə ediləcək əsas göstəricidir. Məsələ təkcə ödənilməmiş maaşlardan getmir, bu, həm də iddia edilən mənəvi zərərlə bağlıdır. Qeyd etmək lazımdır ki, PSJ bu iddialara cavabsız qalmayıb. Öz növbəsində, Paris klubunun vəkili də klubun tələblərini açıqladı. Parislilər də Kilian Mbappedən 180 milyon avro məbləğində zərərin ödənilməsini tələb edirlər. Bu, hadisələrin gedişatını tamamilə dəyişir, çünki məhkəmə prosesi həm Mbappeyə, həm də PSJ-yə qarşı iddialarla gedir.