Nazir: Ermənistan bir ay sonra və ya gələn il Aİ-yə üzvlük üçün müraciət edə bilər

Ermənistan Avropa İttifaqına (Aİ) üzvlük üçün müraciəti bir ay ərzində və ya gələn il təqdim edə bilər. Bu barədə ölkənin xarici işlər naziri Ararat Mirzоyan "Deutsche Welle"yə müsahibəsində məlumat verib.

Mirzoyan bildirib ki, Aİ-yə üzvlük hədəfi hazırda Ermənistanın **rəsmi siyasətidir**. Nazir qeyd edib ki, ölkədə hökuməti Avropa İttifaqına üzv olmaq üçün cəhd göstərməyə məcbur edən bir qanun qəbul edilib. Bu qanunvericilik hərəkəti Yerevanın Qərblə əlaqələrini dərinləşdirməkdə nə qədər ciddi olduğunu göstərir.

Müraciətin dəqiq nə vaxt ediləcəyi hələlik məlum deyil. Nazir vurğulayıb ki, o, müraciət tarixini dəqiq deyə bilməz. Bu hadisənin gələn ay, ya da gələn il baş verməsi **bir çox amillərdən asılıdır**. Lakin o, bu istiqamətdə səylərin göstərilməsinin dövlətin artıq təsdiqlənmiş siyasi xətti olduğunu bir daha təsdiqləyib.