Nazir: Tamştatlı müəllim konsepti 2027-ci ilin sentyabrından tez müddətdə həyata keçirilməyəcək

Elm və təhsil naziri Emin Əmrullayev jurnalistlərə açıqlamasında mühüm bir məsələyə toxundu. Nazir bildirib ki, tam ştatlı müəllim konsepti 2027-ci ilin sentyabr ayından tez bir vaxtda həyata keçirilməyəcək. O, bu işdə əsas diqqətin verilməli olduğu məsələnin konseptin mahiyyəti olduğunu vurğulayıb.

Hazırda bu layihə konseptual mərhələdədir. Nazirin sözlərinə görə, mövcud olan saat hesabı əməyin ödənilməsi sistemi saxlanılacaq. Lakin bu sistemə alternativ olaraq tam ştatlı müəllim konseptini Azərbaycan məktəblərinə gətirmək üzərində işlər aparılır. Layihənin əsas məqsədi budur ki, Azərbaycan müəllimi məktəbin tam hüquqlu bir hissəsi olduğunu hiss etsin.

Emin Əmrullayev yeni hesablanma mexanizminin niyə tətbiq edilməsi və bununla hansı problemlərin həll edilməsinə çalışıldığı barədə danışıb. Nazir bütün bu məsələlərlə bağlı yaxın günlərdə geniş ictimai məlumatlandırma aparmağı planlaşdırır. O qeyd edib ki, xüsusi şəkildə geniş izah veriləcək. Bu izahat sayəsində müxtəlif spekulyasiyalara və əsassız şərhlərə ehtiyac qalmayacaq.