Polşa XİN başçısı: Ukrayna 2030-cu illərin əvvəlində Aİ üzvləri sırasına daxil olacaq

Polşanın Baş nazirinin müavini və xarici işlər naziri Radoslav Sikorski, Ukraynanın Avropa İttifaqına (Aİ) nə vaxt daxil olacağı ilə bağlı proqnoz verib. Nazir bildirib ki, Ukrayna 2030-cu illərin əvvəlində Aİ-nin tamhüquqlu üzvləri sırasına daxil olacaq.

Bu açıqlama Polşa KİV-ə istinadən yayılıb. R. Sikorski qeyd edib ki, Ukrayna artıq namizəd statusuna malikdir. O, bu irəliləyişin Macarıstan tərəfindən əngəllənməsinə cəhdlər olsa da, prosesin davam etdiyini vurğulayıb.

Nazir həmçinin Rusiya-Ukrayna müharibəsinin davamlılığı barədə də danışıb. Radoslav Sikorskinin fikrincə, Rusiya lideri Vladimir Putin Qərbin dəstəkləyəcəyi Ukrayna ilə müharibəyə daha üç il davam gətirə bilməyəcək. O əlavə edib ki, dondurulmuş Rusiya aktivlərindən əldə edilən vəsaitlər Ukraynaya verilən dəstəkdə önəmli rol oynayacaq.