Prezident: Bu gün Azərbaycan iqtisadi cəhətdən heç bir ölkədən asılı deyil

Prezident İlham Əliyev Vətən müharibəsində Qələbənin beşinci ildönümünə həsr olunmuş hərbi paradda çıxışı zamanı ölkənin iqtisadi və siyasi gücündən danışıb. Dövlət başçısı bəyan edib ki, Azərbaycan artıq iqtisadi müstəqillik qazanıb. Bu gün Azərbaycan iqtisadi cəhətdən heç bir ölkədən asılı deyil. Prezidentin sözlərinə görə, bu müstəqillik ölkəyə daha böyük siyasi güc verir.

Dövlət başçısı qeyd edib ki, iqtisadi müstəqilliyin qazanılması mühüm hadisədir. Azərbaycan müstəqil siyasət aparan ölkə olaraq formalaşmışdı. Bu amillər digər faktorlarla bərabər, ölkəni şanlı Zəfərə yaxınlaşdırırdı.

Cənab Əliyev vurğulayıb ki, qazanılmış iqtisadi müstəqillik və müstəqil siyasi kurs Azərbaycanın beynəlxalq arenadakı mövqeyini möhkəmləndirib. Məhz bu amillər birlikdə, Vətən müharibəsində Qələbənin əldə edilməsinə zəmin yaradıb.