Qubada motoblok avtomobilə çırpılıb, 1 nəfər ölüb (FOTO)

Quba rayonunda bir nəfərin ölümü ilə nəticələnən ağır yol qəzası baş verib. Hadisə noyabrın 18-də Quba-Xaçmaz yolunun Barlı kəndi ərazisindən keçən hissəsində qeydə alınıb.

Qəza 31 yaşlı Abbasov Elnur Mehdi oğlunun idarə etdiyi motoblokun iştirakı ilə baş verib. O, hərəkətdə olarkən idarəetməni itirib və nəticədə motoblok "Vaz-2107" markalı avtomobilə çırpılıb. Bu ilk toqquşmadan sonra motoblok sürücüsü özünü xilas etmək məqsədi ilə asfalt örtüyünə tullanıb. Təəssüf ki, həmin an faciəvi hadisə baş verib.

E. Abbasov tullandığı vaxt, yoldan keçən H.Osmanovun idarə etdiyi "Ford Transit" markalı avtomobilin altında qalıb. Sürücü bu zərbə nəticəsində müxtəlif dərəcəli bədən xəsarətləri alıb. Ağır yaralanan E.Abbasov xəstəxanaya çatdırılsa da, həkimlərin səylərinə baxmayaraq orada dünyasını dəyişib. Faktla bağlı araşdırma aparılır.