"Regional" BOKT-un istiqrazları üzrə hərracın tarixi açıqlanıb

Oktyabrın 24-də "Bakı Fond Birjası" QSC-də (BFB) "Regional" MMC bank olmayan kredit təşkilatının (BOKT) istiqrazlarının yerləşdirilməsi üzrə hərrac keçiriləcək.

Bu istiqrazlar 1 milyon manat dəyərindədir. Onlar faizli, təmin edilməmiş və sənədsiz, adlı istiqrazlardır.

Məlumata görə, 10 000 ədəd istiqraz kütləvi təklif üsulu ilə yerləşdiriləcək. Hər birinin nominal dəyəri 100 manatdır. Bu qiymətli kağızlar 24 ay ərzində tədavüldə olacaq.

Onların illik gəlirliliyi 16 % təşkil edir. Faizlər aylıq olaraq ödəniləcək.

"Xalq Kapital İnvestisiya Şirkəti" QSC prosesin anderrayteridir. İstiqrazları almaq istəyən şəxslər BFB-nin üzvü olan digər investisiya şirkətlərinə də müraciət edə bilərlər.

Emitent tədavül müddətində qiymətli kağızları nominal dəyərindən aşağı olmayan şərtlə geri almaq öhdəliyini götürür.