Romada uçan tarixi tikilinin dağıntıları altında qalan işçi xilas edilib

İtaliyanın paytaxtı Romada yerləşən tarixi bir abidədə ağır qəza baş verib. İmperator Forumunda yerləşən "Torre dei Konti" adlı tikilinin bir hissəsinin uçması nəticəsində dağıntılar altında qalan bir işçi xilasedicilər tərəfindən sağ çıxarılıb.

Qəza zamanı 66 yaşlı kişi uzun müddət dağıntılar altında qalıb. Xilasetmə əməliyyatı 10 saatdan çox davam edib. Nəhayət, işçi sağ şəkildə dağıntıların altından çıxarılaraq təcili tibbi yardım maşını ilə dərhal xəstəxanaya aparılıb.

Qəza tikilidə təmir-bərpa işləri aparılan zaman baş verib. Torre dei Konti IX əsrin əvvəllərində inşa edilmiş tarixi bir abidədir. Çökmə nəticəsində yaranan toz ətrafa yayılıb və bu səbəbdən prospekt piyadaların gedişi üçün bağlanıb. Hadisə baş verəndə ərazidə yalnız rekonstruksiya ilə məşğul olan işçilər olub. İşçinin uzun saatlardan sonra sağ xilas edilməsi xilasetmə qruplarının mühüm fəaliyyətinin nəticəsi oldu.