Şəkidə UEFA-nın dəstəyi ilə D kateqoriyalı məşqçi kurslarına start verilib

AFFA-nın təşkilatçılığı və UEFA-nın dəstəyi ilə keçirilən D kateqoriyalı məşqçi kurslarına Şəkidə start verilib. Şəki Olimpiya İdman Kompleksində təşkil olunan bu tədbirə 20 nəfər cəlb edilib. Bu kurslar məşqçilərin peşəkar inkişafı üçün təşkil olunur.

AFFA-nın Kütləvi Futbol Departamentinin rəhbəri Fərrux İsmayılov və aparıcı mütəxəssis Orxan Mikayıllı iştirakçılara kursun mahiyyəti haqqında ümumi məlumat verib, onlara uğurlar arzulayıblar. Kursun ilk günü həm nəzəri, həm də praktiki hissələrdən ibarət idi. Təlimlər dərhal tətbiqi materiallarla başladı.

Həmin gün Fərrux İsmayılov və AFFA-nın məşqçi kurslarının təlimatçısı Osman Rəhimov iştirakçılara bir neçə əsas mövzu üzrə örnəklər nümayiş etdirdilər. Buraya "Kütləvi futbolda əsas prinsiplər", "Məşq metodları", və "Məşqçi davranışları" aid idi. Bu mövzuların fərqli prizmalardan geniş müzakirəsi aparıldı. Qeyd edək ki, D kateqoriyalı məşqçi kursları 3 gün davam edəcək.