Serbiya polisi Belqradda iğtişaşların 37 iştirakçısını saxlayıb

Serbiya polisi Belqradda parlament binası qarşısında baş verən iğtişaşlarla əlaqədar 37 nəfəri saxladı. Daxili İşlər Nazirliyinin Mətbuat xidməti bu barədə məlumat yaydı. Saxlanılan şəxslər bu hadisələrdə iştirak etməkdə şübhəli bilinirlər. Təhlükəsizlik qüvvələri işlərini davam etdirir; onlar iğtişaşlarda iştirak edən bütün şəxsləri müəyyənləşdirməyə və saxlamağa çalışırlar.

Prezident Aleksandar Vuçiç etirazçılara qarşı ciddi ittihamlar irəli sürüb. O, bildirib ki, etirazçılar hökumət tərəfdarlarının çadırlarına pirotexniki vasitələrlə hücum ediblər. Bundan başqa, ölkənin yeddi şəhərində hakim Serbiyanın Tərəqqi Partiyasının ofislərinə də hücumlar təşkil edilib. Daxili İşlər Nazirliyinin məlumatına görə, hadisələr zamanı bir polis əməkdaşı xəsarət alıb.