Şimali Kipr rəsmisi: TDT vasitəsilə ilə bütün dünya ilə danışa bilərik

Şimali Kipr Türk Respublikası (SKTR) Türk Dövlətləri Təşkilatı (TDT) vasitəsilə bütün dünya ilə danışmaq imkanı qazanır. Bu barədə SKTR xarici işlər nazirinin müavini Mustafa Lakadamyalı Bakıda keçirilən TDT Media Forumunda məlumat verib.

Diplomat qeyd edib ki, TDT-də müşahidəçi statusu ilə iştirak etmək Şimali Kipr üçün öz mövqelərini gücləndirməyə və Kipr türklərinin maraqlarını beynəlxalq arenada daha fəal şəkildə təmsil etməyə imkan yaradıb. Lakadamyalı vurğulayıb ki, Şimali Kiprin beynəlxalq arenada özünü ifadə etmək qabiliyyəti Türkiyə ilə sıx strateji tərəfdaşlıq sayəsində əhəmiyyətli dərəcədə genişlənib. Ankara tərəfindən verilən dəstək sayəsində respublika Türkiyənin peyk texnologiyaları və infrastrukturuna çıxış əldə edir. Bu, radio və televiziya siqnallarının bütün dünya boyu yayımlanmasını təmin edir. Türkiyə ilə strateji tərəfdaşlıq SKTR-in qlobal səviyyədə eşidilməsinə kömək edir.

M. Lakadamyalı, həmçinin informasiya təcridinin aradan qaldırılmasının texnoloji tərəflərinə də toxunub. O bildirib ki, hazırda televiziya və radio agentlikləri süni intellekt (Sİ) və peyk texnologiyaları ilə işləyir. O, süni intellekt və yeni texnologiyaların istifadəsi ilə bütün maneələri aşmağın və dezinformasiyanı aradan qaldırmağın mümkün olduğunu bildirib. İnformasiya təcridindən çıxmaq üçün texnoloji alətlərdən istifadə olunur.