Stokholmda avtobusun dayanacağa çırpılması nəticəsində 3 nəfər ölüb

Mərkəzi Stokholmun Valhallavagen ərazisində dəhşətli yol qəzası baş verib. Şəhər mərkəzində ikimərtəbəli avtobus dayanacağa çırpılıb. Bu ağır hadisə nəticəsində 3 nəfər həyatını itirdi, bir neçə şəxs isə yaralandı.

Məlumatı "Expressen" qəzeti yayıb. Hadisə yerinə dərhal cəlb edilən polis avtobusun sürücüsünü saxladı. Qəza zamanı xəsarət alan 5 nəfər müəyyən edilib. Onlardan iki nəfər vəziyyətləri ağır olduğu üçün təcili tibbi yardım maşını ilə dərhal **xəstəxanaya aparılıb**.

Qəzanın səbəbi ilə bağlı ilkin məlumatlar da açıqlanıb. İlkin ehtimala görə, hadisə sürücüdə aşkarlanan, lakin hüquq-mühafizə orqanlarının təfərrüatlarını açıqlamadığı bir xəstəliklə əlaqəli olub. Hazırda hadisə yerində çoxlu sayda polis qüvvələri, **təcili yardım briqadaları** və xilasedicilər çalışır. **Stokholmda baş verən bu faciəli qəza** ilə bağlı araşdırmalar davam edir.