Stolüstü tennis üzrə Azərbaycan Kubokuna yekun vurulub

29.11.2025 11:17 14 baxış sayı 3 dəq. oxuma Report
Stolüstü tennis üzrə Azərbaycan Kubokuna yekun vurulub

Stolüstü tennis üzrə Azərbaycan kuboku başa çatıb. Bu yarışa paytaxt Bakı ilə yanaşı, ölkənin müxtəlif şəhər və rayonlarını təmsil edən idmançılar qatılmışdı.


Turnirdə 14 və 18 yaşadək stolüstü tennisçilər mübarizə apardılar. "Şüa İdman Kompleksi"ndə təşkil olunan bu çempionatda ilk olaraq 2011-ci il və daha kiçik təvəllüdlü iştirakçıların nəticələri bəlli oldu. Qızların komanda yarışında "Sumqayıt 1" qalib gəldi. Oğlanların mübarizəsi isə 13 Nömrəli İOEUGİM-in qələbəsi ilə nəticələndi.


Bu yaş kateqoriyasında cütlüklərdə də maraqlı nəticələr qeydə alındı. Qoşa yarışlarında Yağmur Məmmədli və Sofiya Trofimenko dueti birinci yeri tutdu, həmçinin Onur Quluzadə və Əliəkbər Mirzəliyev tandemi də eyni uğuru təkrarladı. Qarışıq-qoşa növündə Onur Quluzadə və Yağmur Məmmədli cütü fəxri kürsünün ən yüksək pilləsinə qalxdı. Bu iki idmançı şəxsi yarışlarda da özlərinin üstünlüyünü göstərdi, bütün rəqiblərini məğlub edərək fərdi qızıl medalları qazandı.


2007-2010-cu il təvəllüdlü (U-18) idmançıların komanda yarışlarında da Sumqayıt və Bakı təmsilçiləri fərqləndi. Qızların mübarizəsində "Sumqayıt 1", oğlanların mübarizəsində isə "13 nömrəli İOEUGİM" ən yaxşı nəticəyə imza atdı. Qoşa yarışlarda Mərziyyə Nurmətova – Aylin Əsgərova, Uğur Nəzərli – Toğrul Məhəmmədov duetləri birinci yerə layiq görüldü. Qarışıq-qoşa növündə Adil Əhmədzadə və Mərziyyə Nurmətova qalib adını qazandı. Şəxsi mübarizə isə Aylin Əsgərova ilə Adil Əhmədzadənin qələbəsi ilə başa çatdı.


Fəxri kürsüdə yer alan bütün idmançılara Gənclər və İdman Nazirliyinin xüsusi diplomları və medalları təqdim edildi. Onlar, həmçinin, Azərbaycan Stolüstü Tennis Federasiyası tərəfindən hədiyyələrlə mükafatlandırıldılar.


T
Komanda oyunları müxbiri

Basketbol, voleybol və digər komanda oyunları haqqında yazıram. Bu idman növlərinin Azərbaycanda populyarlaşmasına töhfə vermək istəyirəm.

Bütün məqalələrə baxın
Paylaş: