Suraxanıda qəza olub - VİDEO

Bakının Suraxanı rayonu, Bahar qəsəbəsi ərazisində ağır yol qəzası baş verib. Hadisə nəticəsində avtomobildə olan vətəndaş köməksiz vəziyyətdə qalıb. Fövqəladə Hallar Nazirliyinin (FHN) "112" qaynar telefon xəttinə bu barədə məlumat daxil oldu.

Xəbərlə əlaqədar hadisə yerinə dərhal FHN-in Xüsusi Riskli Xilasetmə Xidmətinin xilasediciləri cəlb edilib. Əməliyyat şəraiti qiymətləndirilərkən bəlli oldu ki, “MERCEDES” markalı minik avtomobili idarəetməni itirərək dərəyə aşıb. Qəza nəticəsində avtomobil deformasiyaya uğrayıb, sürücü isə onun içində sıxılı vəziyyətdə qalıb.

Qəzada xəsarət alan sürücü, 1988-ci il təvəllüdlü Eminaqarov Zaur Rəşid oğludur. Onun bədən xəsarətləri müxtəlif dərəcəli idi. Xilasedicilər xüsusi vasitələrdən istifadə edərək sürücünü maşından çıxara bildilər. Xilas edilən şəxs dərhal təcili tibbi yardım briqadasına təhvil verildi. Hadisə ilə bağlı müvafiq qurumlar tərəfindən təhqiqat işləri davam edir.